loup

Un Loup, Lupus.

Tenir le loup par les oreilles, Auribus lupum tenere.

Loup cervier, Ceruarius lupus. C'est un chat sauvage grand comme leopard, dont la pane est de grand pris et requeste envers les grands seigneurs.

Loup garou. Phebus au chapitre 10. parlant du loup, Il y a aucuns (dit-il) qui mangeuent les enfans, et aucunesfois les hommes, et ne mangeuent nulle autre chair depuis qu'ils sont encharnez aux hommes, ainçois se laissent mourir, et ceux on appelle loups garous, car on s'en doit garder, et sont si cauteleux que quand ils assaillent un homme, ils le tiennent s'ils peuvent avant qu'il les voye, et s'il les voit premierement, ils l'assaillent {{o=aissaillent}} si subtilement que à peine eschappe qu'ils ne le prennent et tuent, car ils se sçavent tres-bien garder des armes que l'homme porte, etc. Par le propos de Phebus, ce mot garous est syncopé de ces deux entiers, gardez vous, ou bien plustost de ces deux garez vous, de ce verbe Garer, qui signifie destourner, oster de devant (duquel l'imperatif gare, et le verbe composé esgarer sans plus sont en usage) comme si on disoit, Garez vous, c'est à dire Destournez vous, Ostez vous de là, voicy le loup qui sault aux hommes. On appelle aussi loup garou par abusion du mot, un homme qui ne va que à la sorne, et par nuict, et fuit le jour, Lucifugus. Et par consequent, pour un qui est cauteleux, Versipellis. Aucuns rendent ce mot loup garou, par Lemures, Larua. Mais par Lycanthropos. C'est plus approchant la nature de la beste.

Une sorte de poisson qui se nomme un Loup, aucuns l'appellent un merlu, Lupus.

Appartenant à un loup, Lupinus.

Louve, Lupa.

Thresor de la langue françoyse. Jean Nicot.